HALOS magdamag na hindi nakatulog si Khloe. Tahimik na tahimik ang bahay pag-uwi nila ni Zantiago. Hindi na nila inabala ang kanilang pamilya. Tahimik siyang nagtungo sa silid at ganoon din ang binata. Sa bahay na nila ito natulog dahil masyadong mapapagod kung uuwi pa sa resort. Kahit pagod na, napansin pa rin ni Khloe na may mga security na nakapaligid sa bahay nila.
Pabiling-biling lang sa higaan si Khloe hanggang sa sumikat ang araw. Nang sa kanyang palagay ay gising na ang kanyang ina ay bumangon na siya sa higaan. Kailangan niya itong makausap. Bago siya makarating sa hagdan pababa ay madadaanan niya ang silid na inookupa ni Gregorio. Napatigil siya sa paglalakad nang marinig ang malakas nitong tinig mula sa nakasarang pinto.
“Are you out of your mind? You can’t do that, Ziggy! You
