NAPANGITI si Zantiago habang pinagmamasdan si Khloe na tinatawag pa rin ang nanay. Natutuwa siyang makita na hindi nawala ang sigla at pagiging masiyahin ng babae. She looked happy to see him. He was happier. Sa kabila ng lahat, masaya siyang makita itong muli.
Pinagmasdan ni Zantiago ang bahay sa kanyang harap. Mas malaki na ang bahay ng mga Mislang ngayon. Simple ngunit elegante ang disenyo. Kongkreto at mataas na ang bakod at hindi na kawayan. Maluwang at maaliwalas pa rin ang paligid. Marami pa ring puno ng mangga at niyog sa paligid. Habang papasok sila sa baryo, napansin niyang mas marami na ang nakatayong bahay. Ngunit natutuwa siyang makita na kakaunti lang talaga ang maituturing na pagbabago sa baryo. Tahimik pa rin doon at sariwa ang hangin.
Ngayon aaminin ni Zantiago na kahit
