Namamanghang nanonood si Dorothea nang paganahin ni Amsel ang makina ng sasakyan na nandoon. Puting van iyon kaya’t maluwag sa loob.
“Gumagana talaga,” sambit niya.
Ngumisi si Arnold. “Maayos naman siya noong una pa lang, medyo may kailangan lang higpitan kanina.”
“Pero hindi ba masyadong kapansin-pansin ito kapag ginamit natin?”
Umiling ito. “Hindi mo ba napapansin ang mga puting van na nasa paligid?”
Kumunot ang noo niya. Marami siyang nakikitang gano’n, no’ng nakuha siya ng mga ito ay puting van din ang gamit. Iyon ‘yung unang beses na nagkita sila ni Amsel mula nang mangyari ang kaguluhan, niligtas siya nito.
“Iisipin nila na kasamahan nila tayo kaya hindi nila tayo papansinin,” sabi naman ni Ronald.
Bumaba si Amsel mula sa drivers seat at pumalit si Arnold. “Siya ang magmamaneh
