Kinabukasan ay nalaman agad ni Dorothea na si Kaleb ang nakita niya sa school, base na rin sa tingin nito sa kanya.
Kaya nang mag-uwian ay sabay silang umuwi, naabutan pa nila ro’n si Salem at Gary sa salas. Pero hinila niya lang si Kaleb sa kwarto niya sa taas at hindi pinansin ang mga ito.
“Mukhang may gusto rin sayo si Salem a?” puna ni Kaleb pagkasara niya ng pinto.
Kumunot ang noo niya. “Bakit? Paano mo nasabi?”
“Ang sama ng tingin sa’kin habang hinihila mo ako e, akala niya siguro kung ano ang gagawin natin.”
Nagkibit-balikat siya. “Ang sama kaya ng ugali no’n sa’kin.”
Tumawa si Kaleb. “Si Amsel din naman a?”
“Hindi a,” sabi niya. “Mabait sa’kin ‘yon, pinagtatanggol pa ako tsaka nakita nga ako no’n na umiiyak isang gabi noon sa kusina namin e. Niyakap niya ako tapos hindi si
