KABADO si Lalyn habang hinihintay matapos ni Russel basahin ang plot nito. Nangingiti pa ito na kitang kinikilig sa binabasa. Palibhasa ay alam niyang totoong ganap ang binabasa niya sa buhay ng mag-asawa.
"Ahem! I think, you don't need my help, Lalyn. Maayos naman ang narration at pag-deliver mo ng dialogue sa story. Malinaw bawat punto mo at paglarawan sa mga nangyayari sa dalawang character. Pero--are you sure you want to make it into a book?" tanong ni Russel dito.
Nahihiya itong ngumiti. "O-oo sana. Special kasi ito sa akin at. . . ito ang unang story na isusulat ko. Regalo ko sana ito kay Edward. Hindi natin masasabi kung anong mangyayari bukas. Kaya gusto ko kung sakali at dumating sa punto na matatapos na ang kontrata ko sa kanya. . . may maiiwan ako sa kanyang regalo." Sagot n
