Kabanata 73.3
Hindi siya nakapagpaalam kay Haring Cimon dahil hindi siya nakakuha ng lakas ng loob. Nahiya siya at natakot sa Hari. Napagpasyahan niya naman na makipagkita pa rin kay Prinsesa Azalea. Sa eksaktong petsa ng kanilang pagkikita ay nagpunta na agad siya sa tagpuan ngunit laking gulat niya noong nadatnan niya ay digmaan.
Napahawak siya sa kahoy na hawakan sa tulay. Tinanaw niya ang ilog ng tadhana. Walang bampira sa paligid. Walang Prinsesa Azalea na naghihintay sa kaniya.
Napalingon siya noong narinig niya ang hinihingal na si Fedio. “Prinsipe Padraig, kailangan na po nating bumalik sa Noris. May ipinadalang sulat ang espiya natin sa Emiral at ibinalita niyang susugod din si Haring Zemora sa iba’t ibang kaharian,” wika nito.
“Ngunit may hahanapin pa ako,” mariin niyang wika
