Naramdaman ko ang pagtambol ng aking puso noong nagsimula na si Hinera na buksan ang kandado ng aking rehas. Marahan akong umayos sa pagkakadapa. Sa hindi inaasahan ay may nadanggil akong kakaiba. Napahawak ako roon. Napakunot ang aking noo sa nakapa. Ramdam ko ang paggalaw ng kamay ni Ginoong Padraig, humawak ito sa aking braso. Ramdam ko ang higpit nito. Hindi ko na lang ito pinansin. Binitawan ko ang bagay na nahawakan ko.
Ano iyon? Ito ba ang hawakan ng kaniyang maliit na kutsilyo? Ang kaniyang sandata?
Mas itinuon ko ang atensyon ko kay Hinera na natapos na sa pag-alis ng kandado. Pansin ko ang sabay naming paghinga ni Ginoong Padraig, para hindi mahalata ni Hinera na dalawa kami na nasa kulungan. Tumingin sa akin si Hinera habang nakakunot ang kaniyang noo.
Hindi ko nilu
