Kabanata 71
Naramdaman ko na isinandal ako ng lalaki sa pader. Hindi naman masakit ang pagtama ng likod ko sa pader dahil mahina lang naman ang pagtulak niya sa akin. Napatingala ako sa mukha ng lalaki at doon ko siya nakilala. Napanguso ako nang makita ko ang nakakunot na noo ni Padraig. Siya pala ang nanghigit sa akin sa diliman.
Sa kaniyang ekspresyon ay alam ko nang nagseselos siya. Ibinuka ko ang aking bibig upang sana ay magsalita ngunit mabilis niyang hinawakan ang aking baba. Marahan niya itong itiningala at yumuko siya upang mapalapit sa akin. Nanlaki ang aking mga mata noong hinalikan niya ang aking labi.
Isang mapusok na halik ang aming pinagsaluhan. Napahawak ako sa kaniyang batok. Habang ang kaniyang kamay ay naramdaman kong marahan na humahawak sa aking ulo. Naramdaman kon
