Kabanata 72
Sobrang lawak ng silid aklatan kaya naman hindi ko agad nahanap ang libro na ipinapahanap sa akin ni Prinsesa Zemira. Maghapon na akong naghahanap kaya hindi pa ako nakakakain. Umakyat ako sa hagdan at kinuha ko ang isang lumang libro tungkol sa mga halamang gamot. Binuklat ko ito at binasa ko ang unang pahina ngunit napabuntong hininga na lang ako noong nalaman na hindi ito ang hinahanap ko.
Narinig ko ang boses ni Padraig kaya napatingin ako sa ibaba. Nakita ko siyang nakangiti sa akin. Hindi ko rin maiwasan na mapangiti nang malawak. Inilahad niya ang kamay niya at agad ko itong kinuha.
“Bumaba ka muna at baka mahulog ka pa,” saad niya kaya naman sinunod ko siya. Naging mabagal ang aking pagbaba sa bakal na hagdan.
Noong nakababa ako ay lumayo agad ako sa kaniya. Baka k
