Kabanata 74
Hindi ko inaakala na biglang darating si Padraig. Ang inaakala ko ay hindi na siya magpapakita pang muli kay Prinsesa Zemira. Ang inaasahan ko ay magsisimula na siya sa pag-aalsa. Ano nga bang pinaplano niya ngayon? Mabilis kumalat ang balita na muli siyang bumalik sa Palasyo. Narinig ko sa dalawang tagasilbi na kinausap daw si Padraig ni Prinsesa Zemira. Napatigil ako sa pagbaba sa hagdan dahil nakita ko siyang pataas sa hagdanan. Noong nasa harapan ko na siya ay napansin ko ang ilang galos sa kaniyang mukha.
Sa palagay ko ay sinaktan siya ni Prinsesa Zemira? Ngunit sa anong dahilan?
Napabuntong hininga ako. Seryoso man ang kaniyang mukha ngunit alam ko na masaya siyang makita ako. Nais ko siyang yakapin dahil sa pagkasabik at pagkatuwa ko sa kaniya ngunit pinigilan ko ang
