Kabanata 75
Hinarangan ko ang isang tagasilbi. Napansin ko na nagtataka siya sa aking ginawa. “Nakita mo ba si Ginoong Padraig?” tanong ko sa kaniya.
Umiling siya habang nakakunot ang noo niya. “Hindi. Pamula noong bumalik siya ay isang beses ko lang siyang nakita. Hinahanap na nga siya ni Prinsesa Zemira ngunit hanggang ngayon ay miski anino’y wala,” saad niya kaya bigla akong kinabahan.
Ano nga bang pinaplano niya? Sana ay huwag muna siyang magpadalos dalos.
“Ganoon ba? Kung makita mo man siya, pakisabi na may nais akong sabihin,” bilin ko sa kaniya.
Nagsalubong ang kaniyang kilay. “Anong sasabihin mo sa kaniya? Maaari ko naman itong ipabatid sa kaniya,” suhestiyon niya ngunit umiling ako.
“Maraming salamat sa kabutihang loob ngunit ako na lang ang magsasabi,” saad ko at pagkatapos
