Chapter 31 - Heart
NAGULAT si Heart nang biglang bumukas ang pintuan habang kinukunan siya ng dugo. Alas syete na ng umaga at hindi pa siya kumakain.
Bumaba si Manang Siony para bumili raw ng mainit na sabaw sa kainan, malapit sa ospital.
"Good morning, Puso!" Sabay-sabay na bati ng mga kaibigan niya sa kanya.
Natawa siya nang makita ang mga iyon, sa pangunguna ni Gigi.
"Ang aga niyo naman," sabi niya at tila hindi na naramdaman ang sakit nang itusok sa ugat niya ang karayom.
"Aba, syempre. Hindi namin pwedeng ma-miss ang ganda ng mukha mo kahit umaga," anang bestfriend niya pero napansin niya ang lalaki sa may likod ng grupo.
Napakunot noo siya habang sinisilip yun.
"Sumama ang Bombay," bulong ni Gigi sa kanya, sabay irap.
"Hayaan mo na, wala tayong magagawa. Mag-aaway lang kayo
