Napatigil ako sandali sa sinabi ni Anton. Alam kong marami talagang mga magulang ngayon na mataas ang expectations sa mga anak nila, pero hindi ko mapigilan na maawa sa sitwasyon ni Anton.
Mabigat para sa isang estudyante na kagaya niya ang hindi ma-meet ang inaasahan ng mga magulang, kahit pa ginagawa na nila ang lahat ng makakaya nila. Para may mapatunayan lang at maipagmalaki ng magulang.
"Anton," malumanay kong sabi, "mahalaga ang grades, pero mas mahalaga ang pag-improved mo bilang estudyante. Iyon ang dapat na makita ng Papa mo. Kung may pagkakataon, baka pwede kong kausapin ang Papa mo para mas maintindihan niya ang ginagawa mo rito sa eskwelahan."
Nag-angat ng tingin si Anton, "Sir, huwag na po. Baka magalit lang si Papa."
"Ikaw ang bahala, Anton," sabi ko. "Pero tandaan mo, na
