UNA, gusto n'yang manligaw. Pangalawa, ayaw na n'ya ng annulment. Nakakunot ang noo n'ya at mukhang naiinis na naman. Nang matapos kaming kumain ay binayaran n'ya saka kami umuwi ng bahay. Kanina noong kumakain kami, may tinext s'ya sa phone n'ya. Hindi na ako nag-abalang magtanong dahil wala naman kaming pakialaman. Kaya nasurpresa ako noong pagdating namin sa bahay ay may nadatnan kaming foam na naka-fold at plastic na may beddings. It also had two pillows na nakaplastic pa.
"Kanino 'to? May nagkamali ba ng deliver sa unit?" tanong ko sa kanya.
Tiningnan n'ya lang ako at binuksan ang pinto. "Mauna ka ng pumasok," sabi nito sa akin.
Nagpatiuna man ako ay nakita ko na dinampot n'ya ang mga bagong items na kadedeliver lang. Mabuti na lang pala at hindi nawala ito. Sabagay, disente naman
