Napahinga ako nang malalim at hinilot ang aking sentido. Kumikirot kasi ito dahil sa pagiging subsob ko sa trabaho. Hindi na rin ako nakakatulog nang maayos minsan dahil masyadong maraming tumatakbo sa isipan ko.
Hindi ko na nga rin namamalayan ang mga araw na lumilipas dahil hindi ko na pinapakialaman masyado ang cellphone ko. Minsan ay titignan ko lamang ang oras at kung kailan ang day off ko.
Mabuti na lamang din at day off ko ngayon. Pakiramdam ko kasi ay lalagnatin ako kaya napagpasiyahan kong magluto na lang ng may sabaw kaya ng sinigang na baboy. Masarap din kasi iyon lalo na at hindi ko rin pinapatay ang aircon ng kuwarto at sala ko.
Sobrang init na kasi ng panahon ngayon at hindi na rin sapat ang electric fan lang lalo na kapag nasa isang condo ka. Nandito rin kasi ako ngayon s
