“Kailan mo siya balak sagutin, Astrid? Hindi naman sa pinagmamadali kita pero nakikita ko naman kung paano ka niya ligawan. Anim na buwan na rin ang lumipas at hindi ka na tumatanda, Astrid,” aniya ni Azalea.
Day off naming dalawa ngayon at nandito kaming dalawa sa kwarto namin, nagkukuwentuhan habang nag-i-scroll sa aming social media account.
Hindi ko namalayan na anim na buwan na rin pala ang lumipas simula nang ligawan niya ako. Ang nakakagulat pa ay binigyan niya muli ako ng singsing at sumisimbolo raw iyon na nangliligaw siya sa akin.
Aaminin kong kinilig ako noong araw na iyon dahil sino ba naman ang hindi? Nasa pinakamataas na bahagi kami ng City at kitang-kita ang buong City Lights. Samahan mo pa ng mga bituin na nagpapaligsahang kuminang sa gabi habang ang buwan naman ay nanat
