DOS
"Dos, kanina ka pa nakatingin kay Dani," puna ni Mang Karding sa akin.
Nasa manggahan si Daniella, kasama na naman ang ibang trabahador, nagkukuwento at nagtatawanan.
"Nakangiti ka na naman."
Bago ko pa man mapigilan ang sarili ko, nakangiti na nga ako.
"Mukhang nasasanay na si Dani rito, Dos. Nakakatuwa lang dahil kahit nandoon pa rin ang pagiging maarte niya sa trabaho, marunong na siyang makisama sa mga tao rito."
Ilang buwan na rin ang nakakalipas simula nang pumunta siya rito, ibang-iba na nga siya sa unang Daniella na nagpunta rito. Marunong na siyang manamit ng nababagay sa sitwasyon, pero gaya ng madalas niyang sabihin — dapat maganda pa rin siya.
"Anim na buwan tama ba?" tanong ni Mang Karding. "Pagkatapos ng anim na buwan na iyan, hahayaan mo na lang ba siya?"
Huming
