MAY MABINING init na humaplos sa dibdib ni Jesse nang mapagmasdan ang ayos nina Twinkle at Andie. Kandong ng dalaga ang kanyang anak sa passenger seat ng sasakyan. Si Twinkle ang naglambing kay Andie na tumabi dito nang upo nang paalis na sila sa La Trinidad. At hindi pa man sila nakakalayo roon ay dumaing na ng pagkaantok ang bata.
Siya ang nagsabi na lumipat na lamang ang anak sa back seat para makahiga ito roon pero si Andie ang tumanggi at sa halip, kinandong nito si Twinkle. Siya ang nag-alala na baka mahirapan ang dalaga. Hindi naman basta bata lang si Twinkle. Malaki ito at mabigat pero hindi niya nakitang nagreklamo si Andie kahit sa pamamagitan man lang ng facial expression nito.
Ngayon ay nakayupyop na si Twinkle sa dibdib nito at mahimbing na sa pagkakatulog. Tila balewala nam
