FARRAH
Halos magdikit na ang aking kilay habang pumapanhik sa itaas ng kwarto. Ano'ng oras na ay hindi pa rin gumigising si Zick. Tinanghali na naman ito ng gising.
Pagdating ko sa kwarto ay nakita ko itong nakatalukbong pa ng kumot. Lumapit ako rito at niyugyog ko ito para magising. Ngunit ungol lamang ang aking narinig at hindi man lang nagawang kumilos.
"Zick, tanghali na. Wala ka bang balak bumangon?" reklamo ko rito.
"Later, baby. Inaantok pa ako, please…" nakikiusap nitong tugon.
"Ilang araw ka ng gan'yan, ah. Ang tamad mo rin. Bumangon ka na at nagluto ako ng almusal." Sabi ko at muli itong niyugyog. Ngunit imbis na bumangon ay lumabas ang kamay nito at hinila ako pahiga sa tabi nito.
Nang makahiga sa tabi nito ay tinalukbungan din ako ng kumot. Nakangiti ito ng sulyapan
