HINDI matawaran ang ngiti ni Mariz nang makababa sa sinasakyang taxi. Tirik na tirik si Haring Araw ngunit tiniis niya ito upang tingalain ang napakataas na gusaling nasa harap niya ngayon.
Sa loob ng napakatagal na panahon, ngayon niya na lamang ulit nabisita ang M&MJ Business Center. Napakaraming pinagbago ng mga nakatayong establisyimento roon.
Marami na ring kainan. Sa oras na ito, napakaraming tao roon dahil lunch time na. Paniguradong tamang-tama lang ang dating niya sa pupuntahang opisina.
Mukhang malaki ang kayamanang makukuha ko kay Miguel. At sisiguraduhin kong wala kang makukuha ni isang kusing, Marijean. Itataga ko iyan sa bato. Akin si Miguel at akin ang building na ito!
Hindi maalis ang ngiti niya nang makapasok sa loob ng lobby. Napasimangot nga lang siya nang makita
