MAGDAMAG na hindi na nakatulog si Asher matapos ang bangungot na nangyari sa kanya sa sofa.
Pasalamat siya at ginising siya ni Chesca kung hindi ay baka kung ano na ang nangyari sa kanya ngayon.
Alas singko pa lamang ng umaga ngunit napagdesisyunan na niyang tumayo at bumaba.
Hindi iyon ang unang pagkakataong napanaginipan niya ang ama. Mula nang umuwi si Mariz dito sa Pilipinas at bisitahin siya, madalas niyang nakikita ang ama sa panaginip na pinaparusahan siya ng latigo.
Matapos maligo, naglagay lamang siya ng note para kay Chesca na baka gabihin ito sa pag-uwi saka umalis.
“Good morning, Sir,” bati sa kanya ng mga empleyado ng AML Cosmetics. Hindi muna siya pupunta sa shop ngayon dahil iba ang pakiramdam niya.
Para siyang lumulutang sa hangin at pumipitik-pitik ang sintido s
