NAURONG ang dila ni Chesca sa kanyang narinig. Mas lalo tuloy na dumami ng mga tanong niya sa isipan dahil sa mga sinabi sa kanya ng lalaki.
Inilapag niya ang tasa ng kape sa harap ni Asher at umupo.
“’Yong napanaginipan ko noong nakaraang araw, that was years ago but it still haunts me.”
Bakas ang lungkot sa mga mata nito habang pinapakiramdaman ang init na galing sa tasa.
“Pinagtanggol ko lang naman noon si Ashley pero…pero binigyan niya ako ng isang parusang hinding-hindi ko na matatanggal sa katawan ko,” dagdag pa ng lalaki.
“S-sabi mo, dumating na ang Mama mo. For sure, matutulungan ka niya na ngayon.”
Payak na ngumiti si Asher ngunit umiling.
“She’s no help. Wala akong ibang kakampi sa naging hamon sa akin ng buhay kundi ang mga pinsan ko, si Tito Six, si Brandon, at si
