“Wow. Ang aga naman mag out. May date?” pabirong komento ni Eunice nang makita niyang nagliligpit na ‘ko ng gamit at naghahanda pauwi.
Madalas kasi ay kahit maaga akong nag-in sa trabaho, gabi pa ako umuuwi. Yes, I used to work more than 8 hours a day. Nagbago lang naman ang work habit ko simula nang masangkot ako sa iskandalo – simula nang bumalik si MJ.
Wala sana akong balak sagutin si Eunice, kaya lang pagbukas ng glass door ng opisina, her claim was automatically confirmed when MJ showed up. Halos lahat ng mga katrabaho ko ay napatingin sa kanya.
“Ah… si Tiffany?” tanong ni MJ habang inililibot ang mga mata sa paligid ng opisina.
Nag text ako sa kanya na sa labas na kami ng building magkita. Pero matigas ang ulo niya at talagang sinundo pa ‘ko rito sa opisina. Iniiwasan ko lang n
