MJ and I decided to call it a day. Now, we’re on our way back to the condominium.
Sinabi ko naman sa kanyang pwede niyang ituloy ang pagbili ng mga appliances dahil ito talaga ang original plan bago kami kumain. Wala rin namang problema sa ‘kin mag-commute pabalik lalo na’t malapit lang kami sa condo.
Pero sinabi niyang tinatamad na siya kaya sabay na kaming umuwi.
Habang nagmamaneho si MJ, tahimik lang ako habang nakatitig sa screen ng phone ko. Pinagmamasdan ko ang bagong post na nakita ko sa social media profile ni Mama.
Mga litrato itong kuha kaninang tanghali. Kumain pala sila sa restaurant. Kasama ni Mama lahat ng mga kapatid ko. Pati buong pamilya ni Kuya Cesar ay nandito.
Anim kaming magkakapatid at ako ang pangatlo. Si Kuya Cesar ang panganay. May asawa at dalawang anak
