Lumabas na kami ng Cup of Twist at nagpunta sa kanya-kanya naming sasakyan. Magkasama pa rin kami ni MJ dahil kotse niya ang dala namin kanina. Binuksan ko ang pinto ng front passenger’s seat at uupo na sana, ngunit laking gulat ko nang maunahan ako.
Oo’t naunahan ako ni June! Bigla na lang siyang sumulpot sa harapan ko out of nowhere! It felt like I just lost in a game of musical chairs.
Binukas-sara ko ang mga mata ko habang sinusuot ni June ang seatbelt. Nang matapos siya sa ginagawa ay nakangisi siyang bumaling sa ‘kin ng tingin. “Tiffany! Ako muna rito ah? Para maka-bonding ko pa si MJ,” aniya.
Naupo na rin si MJ sa driver’s seat. Nakita ko ang pagtataka sa kanyang mukha nang makita si June, pero mukhang natuwa rin siya dahil sa narinig. “Grabe, Tala! Na-miss mo ba ‘ko ng sobra
