Para akong magulang na pinapanuod ang kanyang anak makipagbati sa kalaro nito.
Katulad ng iba naming mga kaibigan, pinapanuod kasi namin ngayon ang unang pagkikita nina MJ at June pagkatapos nitong maging runaway groom. Their meeting at PJ and Iaree’s wedding isn’t counted since they were just there because they had to.
Kinakabahan ako noong una dahil baka magtalo sila. Pero nang makita ko ang pamumuo ng luha sa mga mata ni June habang nakatingin kay MJ, napagtanto kong nagpunta siya rito hindi para makarinig ng mahabang paliwanag. Nandito siya dahil gusto na talaga niyang makipag-ayos. Ito ang mas matimbang ngayon sa kanya.
“Pwede na ba kaming humingi ng autograph sa ‘yo?” sabi ni June na nagpatawa kay MJ kaya nawala ang tensyon sa pagitan nila. Nangiti na rin tuloy ako dahil dito.
