Nagising ang diwa ko dahil sa malakas na ringtone ng phone ko. Parang binibiyak ang ulo ko. Mabigat ang talukap ng mga mata, nakapikit kong kinapa ang paligid ko. Sinubukan kong sundan ang direksyong pinanggagalingan ng ringtone. Mabuti na nga lang at mabilis ko naman itong nahanap dahil nasa bedside table lang naman pala.
Pagkuha ko nito ay sinagot ko ang tawag at tinapat ito sa tainga ko.
“H-Hello?” Tumikhim ako. Parang wala pa yata akong boses.
“Good morning, Tiffany. This is Elijah. I’m sorry to wake you up at this hour—”
Napadilat ako dahil sa pangalang narinig. Pamilyar din ang boses nito. Isa lang naman ang kilala kong Elijah!
Elijah Charlesworth?!
Hindi ko inasahang kakausapin pa niya ‘ko pagkatapos ng huli naming pagkikita. At dahil alam kong ‘di dapat masayang ang opor
