Nagising akong sobrang sakit ng ulo ko, halos araw-araw na akong sinasaktan ng ulo dahil narin siguro sa stress sa mga nangyayari. Pagbangon ay inikot ko ang paningin sa buong kwarto, nasa condo nga pala ako ni Avery. Tumayo ako at naghilamos sa banyo bago lumabas ng kwarto. Sobrang tahimik na tila nakadagdag pa ito sa lungkot na aking nararamdaman. Umupo ako sa sofa at itinaas ang mga paa saka niyakap ang mga ito.
Ano bang gagawin ko? Natatakot akong umuwi, natatakot ako na baka pag-uwi ko ay pilitin ako ni Zane na pirmahan ang annulment paper. Sa dami ng pinagdaanan namin, bakit ngayon niya pa naisipang ako'y iwanan? Bakit hindi na lang siya pumayag noon sa annulment na gusto ko? Bakit ngayon kung kailan ayaw ko na siyang iwanan?
Napatingin ako sa pintuan nang bumukas ito at iniluwa ni
