Maaga akong nagising at nagluto ng agahan, nagbabakasakaling umuwi si Zane. Para man lang makakain muna siya bago umalis.
Matapos magluto ay masayang naghintay ako sa dining table pero bagsak ang balikat kong kumain nang makitang alas nuwebe na ng umaga wala pa siya.
Sila Manang naman abala na sa paglilinis dahil pinauna ko na sila kumain kanina. Matapos kumain ay itinabi ko na ang mga pagkaing tira at nagligpit ng kinainan.
Naligo ako pagkatapos dahil balak kong bisitahin si Jaycee at Avery. I miss them, gusto ko ulit kumain sa pansitan na lagi naming kinakainang tatlo noon.
Pagbaba ko ng kwarto ay nagulat ako nang maabutan si Zane sa sala nakaupo sa sofa na tila hinihintay ang pagbaba ko.
" Zane? " tawag ko dito na ikinalingon niya. I saw fears, pain and guilt in his eyes. Seriousl
