Patrick's Point of View.
Mas pinili ko na lamang na lisanin ang lugar na yun ngunit hindi mawala-wala sa isip ko ang reaksyon kanina ni Duane nang suntukin ko siya. Matapos no'n ay kaagad ko siyang tinalikuran at mabilis na binagtas ang daan palabas. Ilang ulit pa ako ng napaubo dahil sa lakas ng kabog ng aking puso. Hindi ko maintindihan ang nararamdaman ko. Naaawa ako kay Duane dahil sa nagawa ko ngunit sumasagi din sa isipan ko ang ginawa niyang pambubugbog kay Fred.
Hindi ako mapakali ngayon dito sa harap ng aking kotse at pabalik-balik ako. Hindi ko rin mapigilan ang aking sarili na mapatingin sa bar at hindi makapag-desisyon kung babalik pa ba ako sa loob. Paano na lang kapag hindi pa din tinigilan ni Duane si Fred. Ano na lang ang mangyayari sa taong yun? Baka ikamatay niya pa it
