AFTER 2 YEARS
Beatrice Manuel
Pagkapasok ko sa café ay agad akong sinalubong ng aroma ng espresso at buttered croissants. Napapikit pa ako para samyuhin ‘yon. Gustong gusto ko talaga ang amoy no’n at nakakabuhay ng sistema.
“Good morning, Ma’am Bella!” masiglang bati ni Misty na isa sa pinaka-masipag kong staff.
“Good morning, Misty,” tugon ko habang inaayos ang buhok ko na nagulo ng malakas na hangin sa labas. “How’s the store?”
“Everything is well, Ma’am Bella! Ang daming early customers. At may nag-inquire po tungkol sa signature blend natin. Mukhang magbu-bulk order para sa isang events.”
Napangiti ako. “That’s good. Continue monitoring, ha?”
Tumango siya at bumalik sa counter.
Nilibot ko ng tingin ang buong café ko at sumilay sa labi ko ang ngiti nang makita mas marami nga sa
