Venice Martinez Point of View
TINANGHALI na ako ng gising kinaumagahan. Sobra kasi akong napagod sa pageant kaya nakatulog ako ng mahimbing at hindi ko na namalayan ang oras.
Halos takbuhin ko pa ang labas ng gate ng makita ko ang text sa akin ni Jibbson na naghihintay siya sa labas ng apartment. Tumambad sa akin si Jibbson na nakamotorbike pagkalabas ko.
Ngumiti siya pagkakita sa akin. Napakunot noo naman ako.
"Kanina ka pa?" Taka kong tanong.
"Kakadating ko lang din. Nagbabakasakali ako na nandito ka pa at tinanghali ka din ng gising tulad ko." Aniya.
"Papasok ka na ba?" Tanong ko ulit.
"Yup! Sabay ka na."
Inabot niya sa akin iyong isang helmet at hindi na ako nagdalawang isip pa na tanggapin iyon. Sinuot ko iyon at inalalayan niya akong sumakay sa kaniyan
