MARIZ
ISANG bagong umaga ang sumalubong sa akin. Halos kumakalam na ang sikmura ko nang imulat ko ang mga mata ko. Pasado alas nuevie na rin ng umaga, naging mahimbing din pala ang naging tulog ko.
Sabi ko kagabi tatawagan ko si Danna ngayon para sa ipaayos ang ticket ko pabalik ng Manila, ang kaibigan ko rin kasi ang kumuha ng ticket ko nang nagbakasyon ako rito.
Labag man sa loob ko ang bumalik ng Manila, kailangan ko ng balikan ang normal kong buhay d'on. Hindi rin kasi nakakatulong sa akin ang bakasyon na 'to.
Mahihirapan lang ako lalo kung magtatagal pa ako dito.
Hindi muna ako tumayo nang bumangon ako.
Tinimbang ko muna sa damdamin ko ang ilang isipin, kapag bumalik agad ako parang sinira ko lang kung ano man ang pangako ko noon sa sarili ko nang mawala sa akin si Eloy.
Isang
