DIANA
"Nay bakit mo sinabi sa kanya na babalik pa siya dito?" Ingos ko kay Nanay nang makatulog na ang mga bata. Pagpasok namin kanina sa loob ng bahay walang kahit isang nagsalita tungkol sa pagpunta ni Rocky dahil kasama namin ang mga bata. Ayaw nila yata pag-usapan kapag nasa tabi ko ang quadruplets. Pero nang makatulog sila pagkatapos namin kumain ng tanghalian. Kinausap ako ni Nanay. Nandito kami sa sala, kasama si Nanay Rosa, Jen-jen, Let-let at Ton-ton. Habang si Met-met kasama ang quadruplets sa kwarto. Si Tatay Berting naman nagpahinga din sa kanilang kwarto ni Nanay Rosa.
"Siya ba ang Tatay ng quadruplets?" Tanong ni Nanay. Nag-iwas ako ng tingin dahil ayaw ko'ng sabihin sa kanila.
"Diana, anak?" Mahinahon na sabi ni Nanay. Kaya humarap ako sa kanya at tumango. Dahil wala na
