ROCKY
Pagdating ko sa Ninoy airport kaagad ako'ng nag check-in. Pagkatapos ko'ng makalabas ng immigration dumiretso na ako kaagad sa waiting area para sa departure. Panay ang tawag ko kay Diana ngunit hindi ko talaga siya makuntak. Kaya sobrang nag-alala na ako sa kanya. Alas diyes y medya dito ng umaga kaya alas singko ng hapon sa Germany.
"Ma, bakit hindi ka ma contact? Anong nangyari sa iyo?" Tanong ko sa aking isipan. Hindi naman nagtagal tinawag na ang mga pasahero upang pumasok sa eroplano. Pagkaupo ko, sumandal ako sa upuan at pumikit. Kung pwedi lang utusan ang piloto na paliparin ang eroplano gagawin ko. Parang hindi na ako mapalagay sa pag-iisip kay Diana. Nakalimutan ko nga kanina sabihin kay Mommy ang tungkol sa passport ko. Mabuti nalang nadala nila. Ilang minuto ang hinin
