“ALAS-SINGKO na, Ting, bakit mukhang wala ka pang balak mag-out?”
Sinulyapan ni Fatima Mae si Alejo na nakaupo sa silya ng mama nito at pinapakialaman ang mga papeles na naroon. Kaninang alas-tres pa ito roon, nagdala ng merienda para sa kanilang lahat na nasa opisina. Pati ito ay nakisalo rin, ito na lang daw ang kakain ng share para sa ina.
Hindi na kasi nito inabutan ang ina. Sa kanya nagpaalam si Tita Flocer na may importanteng lalakarin. Mahigit isang linggo na siya sa trabaho. Dalawang araw lang siyang tinuruan ni Tita Flocer ng dapat gawin. Napansin niyang parang sa kanya ipinagkakatiwala ng ginang ang mga trabaho roon, isinama rin siya nito sa bangko para gawing co-signatory sa mga transaction.
Alam ni Fatima Mae na malaking responsibilidad ang ibinigay ni Tita Flocer sa kanya p
