NOTE: Orayt nagbabalik na si Aldred a.k.a TISOY!
Kabanata 1
Hello Tisoy
Lumipas na ang isang buwan, nakabalik na sila Arnel at Nico ng apartment, naka-move on na rin ako kay Tricia, palaging bumibisita si Jasser pero dedma ko lang siya. Sa tingin ko nga may gusto na sa akin ang lokong ‘yon, pero kahit anong gawin niya hindi ko pa rin siya papatulan. Ayoko, ayoko na.
Ayoko nang maulit ang nakaraan. Gusto ko nang magbago, lalo pa’t ngayon ang ikalawang taon ko sa kolehiyo, kailangan kong mag-aral ng mabuti, siguro kailangan ko nang limutin at ibaon sa lupa ang mga nangyari sa aking nakaraan. Kailangan ko ring mag-ingat lalo na’t marami ang nakakakilala ng pangalawa kong pagkatao, pero gusto ko nang makalimutan ang lahat ng ‘yon. Gusto kong bumalik sa dati, yung dating ako na
