Halos ilang minuto ang hinintay namin bago lumabas ang doktor.
"Nasaan ang pamilya ng pasyente?" Tanong nito sa amin ng doktor.
"Kami po Doc, kumusta ang aking asawa? Maari na ba namin siyang makita?" Sunod-sunod na tanong dito ni inay na halatang sobrang nag-alala kay itay ngayon.
"I'm sorry Misis pero ginawa na po namin ang lahat para sa asawa mo at sad to say na hindi na niya kinaya." Mahinahon na pagkakasabi ng doktor sa amin
"Hindi Doc, hindi maaring mamatay ang asawa ko, nagbibiro ka lang di ba Doc buhay pa ang aking asawa." Sabi ni inay na hawak pa ang damit ng doktor.
"Misis, pasensya na po pero hindi namin maaring gawin na biro lamang ang pagkamatay ng asawa niyo,,wala na talaga siya at maari na ninyo siyang makita bago siya dalhin sa morgue." Muling paliwanag pa ng doktor
