“Huwag mo nang hanapin ang pinsan kong iyon. Nariyan lang siguro sa tabi-tabi iyon at may pinauungol na babae,” sinundan ni Kevin nang malakas na tawa ang sinabi niya.
Hindi ko alam kung nagbibiro ba siya o ano pero nag-init ang ulo ko at nagpanting ang mga tainga ko sa narinig.
“Hindi naman siguro siya gano’n,” sabi ko at muling lumagok sa hawak kong beer. Hindi ko maiwasang hindi mairita. Parang hindi kayang tanggapin ng isip ko na may ibang pinaliligaya si Keister ngayon pagkatapos ng ginawa niya sa akin.
“Oh, yeah. I forgot that you are a big fan of him. Alam mo, ang suwerte ni Keister sa iyo. Kung ako lang siya, hinding-hindi kita pakakawalan, Vera. You are so perfect. You really deserve to be our winner!” puri niya sa akin. Nagkatinginan pa kami ni Tanya bago ako ngumiti sa kaniya
