Napalingon ako sa paligid. Bigla ay sinagilihan ako ng takot na baka may makarinig sa mga pinagsasabi ni Kevin. Nang tingnan ko si Keister ay nagtatagis ang mga ngipin nito. Halata ito dahil sa pagtiim ng mga bagang niya.
“Hindi kita papatulan Kevin. Lasing ka.” Muli na niyang tinalikuran ang pinsan at kinuha ang kamay ko. “Tara na.” Tumango ako sa kaniya.
Ngunit napaigik ako at kumawala ang daing dahil mahigpit na ring hawak ni Kevin ang isa kong kamay.
“Ako na ang maghahatid sa kaniya. Ikaw ang bumalik sa kuwarto mo. She’s under my supervision because this is my show.” Napapangiwi ako dahil parehong humigpit ang pagkakahawak nilang dalawa sa akin.
“T-teka lang, nasasaktan ako,” reklamo ko. Sabay nila akong tiningnan at bahagya namang lumuwang ang pagkakahawak nila sa akin pero walang
