Kinabukasan ay maagang gumayak si Irya para puntahan ang manager niya. Paglabas nga niya ay nakita niya si Birdy na nagto-toothpick.
“Where you go?” tanong ni Birdy sa kaniya.
Ngumiti naman siya rito at inayos ang suot na relo.
“Magkikita kami ngayon ng manager ko. Gusto mong sumama?” tanong niya rito.
“Puwede?” nakangiting tanong nito.
“Oo, pogi ‘yon. Kasing-edad mo,” sagot niya rito.
“I’m just naked now,” anito at mabilis na tumalikod papunta sa kuwarto nito.
Naiwan namang naguguluhan si Irya sa sinabi ni Birdy at umupo na lamang muna sa couch. Halos fifteen minutes din ang hinintay niya rito.
“Kumusta ka naman?” aniya rito nang makalabas ito.
Malayo-layo pa lang ito sa kaniya pero sinundo na siya ng amoy ng pabango nito. Nanunuot iyon hanggang sa kaloob-looban ng kaniyang ilong
