“Ate Iza, halika. Heto pala ang senior ko sa network namin. Si Ate Sam, she’s a very good example lalo na sa aming mga kabataan. Marami na rin siyang napatunayan sa larangan ng pag-aartista kahit hindi pa siya ganoon katagal sa industry,” nakangiting saad ni Hazel.
Pasimpleng hinawakan naman ni Inez ang kamay ni Elle. Nag-aalala ito para sa kaibigan.
“Hi,” nakangiting bati ni Sam sa kaniya at tinitigan pa siya nito.
“Hello, it’s nice seeing you in person. Hazel admires you a lot,” aniya rito.
“Kaya nga eh, nakakataba ng puso. I’m sure all of you were so proud of her. Sa mura niyang edad ay nominated na siya sa iilang parangal,” wika nito.
Nakatitig pa rin ito sa kaniya na tila ba kinikilala siya. Ngumiti lamang si Elle rito at tumango.
“She deserves it, because she worked hard for it
