Nakangiti lamang si Elle habang kumakain sila lalo na nang makita niyang pabalik-balik ang kuha ni Enzo sa ulam na niluto niya.
“Masarap ba anak?” tanong ng mommy niya.
“Yea,” sagot nito.
“E-Enzo, tikman mo rin ‘to oh. Hindi ba gusto mo itong caldereta na may cheese?” sabat ni Candy.
Tumango naman si Lorenzo at kumain din sa niluto ni Candy at tahimik na nagpatuloy lamang. Good mood si Elle dahil alam niyang nasarapan ang asawa niya.
“Candy, tikman mo rin ‘tong calderetang baka ni, Elle. Siya nagluto niyan, medyo iba sa version mo pero sobrang masarap din,” wika ni Emilia.
Kita naman niya ang plastic na pagngiti ng dalaga.
“Ikaw pala ang nagluto?” tanong nito sa kaniya. Ngumiti naman siya rito at tumango.
“Oo, tikman mo,” aniya rito.
Ang ginawa niya ay tumikim din siya sa niluto n
