VALEEN
PAGKATAPOS NG NANGYARI, inaasahan ko nang magkakaroon ng malaking pader sa pagitan namin ni Samuel kagaya nang dati. Hindi ako nagkamali dahil nang sumunod na mga linggo ay parang hindi na niya ako kilala o nakikita. Mas malala pa kaysa noong una.
Pero ang hindi ko maintindihan ay kung bakit sa halip na patunayan niya sa akin na wala na siyang gusto sa hipag ko at mali ang iniisip ko sa kaniya ay kabaliktaran ang nangyari. Mas ipinamukha niya sa akin na tama lang ang sinabi ko dahil sa pagdikit-dikit nito sa hipag ko.
Lantaran na rin niyang ipakita sa akin kapag may ibinibigay siya kay Ate Ella. Kaya 'yong guilt na nararamdaman ko dahil sa mga nasabi ko noon ay biglang naglaho at napalitan ng disgusto.
How dare him na magalit sa akin gayong totoo naman pala ang sinabi ko.
