NAPABALIKWAS ng bangon si Bern dahil sa malakas na tunog ng alarm clock sa cellphone niya. Mabilis niyang pinatay ang alarm. Kaagad namang kumirot ang ulo niya sa sakit.
"Grabe ang sakit ng ulo ko," daing niya. Nang magmulat siya ng mata, kaagad itong nanlaki.
Aligagang sinuyod niya ng tingin ang kuwarto, kaliwa't kanan at paikot ang mata sa paligid.
"Nasaan ako?" Napansin niya ang suot niyang damit. Sinong nagbihis sa kanya?
Napakibit siya ng kaniyang balikat. Mabilis siyang tumayo at kinuha ang cellphone niya. Palabas na siya ng kuwarto nang mapansin ang pagkain sa lamesa. Nilapitan iyon ni Bern. Nagulat siya na mayroon pang kasamang gamot sa sakit ng ulo. Naka-hanger din ang mga hinubad niyang damit. Alam na alam ng may-ari ng kuwarto ang kailangan niya.
Biglang kumalam ang kanyang
