SA TUWING titingin si Maxine sa salamin bago pumasok ay hindi niya maiwasang mapansin ang sinasabing pagbabago sa kaniya ng mga tao sa paligid niya. Napapansin nga niyang maaliwalas ang mukha niya at hindi na rin nawawala ang ngiti sa kaniyang labi hindi katulad noon na seryoso lamang ang ekspresiyon ng mukha niya o hindi kaya naman ay nakakunot ang noo.
Sa tuwing naaalala niya ang naging trip nila ni Jamil sa Sagada ay hindi niya napipigilang mapangiti at kiligin. Sobrang sweet sa kaniya nito. Laging nakaalalay at nais na ibigay ang gusto niya pero dahil hindi naman pera nito ang habol ni Maxine, hindi niya sinasamantala ang pagkakataon at tumatanggi. Oo nga't mayaman si Jamil at kayang bilhin lahat, ngunit hindi ibig sabihin noon ay pagbibigyan niya ito. Isa pa, isang simple lang naman
