Siguro nga't martyr siya pero hindi naman siya isang bida sa mga tagalog dramas ika nga nito para magpaapi. Hindi man niya kilala ang babae ay may sapantaha na siya na ito ang babaeng marahil ay mahal pa rin ni Jamil.
Oo nga't mas lamang ito sa buhay ng binata kaysa sa kaniya, ngunit hindi iyon dahilan para hayaan niyang tapak-tapakan siya nito at insultuhin.
Nang matapos ang shift niya ay malalim ang pag-iisip siyang lumabas. Hindi sila magkasabay ni Jona dahil may date ito at ang nobyo nito. Habang naglalakad siya papunta sa sakayan ng jeep ay nakita niya mula sa gilid ng kaniyang mata ang pamilyar na kotseng itim. Imbes na lumingon ay nagpatuloy siya sa paglalakad pero binagalan na niya ito.
"Hi, Miss Beautiful."
Muntik na siyang mapangiti pero pinigilan ang sarili sa pamamagitan
