THE two years have passed quickly. Marami na ang nagbago sa buhay ko lalo na sa aming mag-ina. Malaki na rin ang anak namin ni Terrence. Lumaki siyang malusog at bibo na bata. Napaka-gwapo rin at hindi maipagkakaila na kamukhang-kamukha siya ng kanyang ama. Mula sa kulay ng kanyang mga mata na brown, sa kanyang kutis, labi at ilong. Maging sa pag-uugali ay parehong-pareho at maging sa tindig. Bata pa lang pero pilyo na.
Tumigil na si Nanay sa pagta-trabaho niya sa mansyon ng mga Sterling dahil siya na ang nagbabantay kay Terran Asher kapag wala ako para magtrabaho. Kailangan ko rin kasing kumayod para may ipangtustos sa mga gastusin ko kay Ash. Lumalaki na siya at habang tumatagal ay mas lalong lumalaki ang gastusin sa kanya.
Sa tulong ni Sir Edward at Crizsa ay nakapag-apply ako bilang
