HAPON na nang matapos ang volunteer work nila para sa Gawad Kalinga sa araw na iyon. Nakapaghugas ng katawan at nakapagpalit ng damit na sila Janine bago sila nagpaalam sa isa’t isa. Nang isa-isa siyang yakapin at ibeso nila Daisy, Bianca, Jane at Cherry ay medyo hindi niya alam kung ano ang gagawin. Kailan pa lang niya nalampasan ang phobia niya na mapadikit ng ganoon sa ibang tao at lihim siyang nagpasalamat na hindi siya inatake ng panic.
“Lumabas tayo sa susunod. Girls bonding lang,” nakangiti pang sabi ni Daisy.
“Tama. Isama natin si Jesilyn kapag puwede na siyang bumiyahe,” sabi naman ni Cherry.
Napangiti si Janine at tumango. Napagtanto niyang nagkaroon siya mga bagong kaibigan sa araw na iyon. Sunod siyang nagpaalam sa mga lalaki. At dahil nakikipag-usap pa si Draco kay Ryan a
