Pagdating nila roon ay narealize ni Janine na iyon ang espasyong nakalaan para sa mga painting na gawa ng mga Filipino artist. Lumakad pa sila patungo sa dulong pader hanggang sa makita niya ang mga painting na nakadikit doon. Limang painting ang mga iyon na iba-iba ang laki. Iisa lamang ang subject ng mga painting. Isang babae na mahaba ang buhok na palaging sa iba nakatingin. Kumbaga sa stolen photos ay tila ba hindi aware ang babae na iginuhit ito ng artist.
Sa background ng babae ay may abstract na disenyo. Halos walang black outline ang pigura ng babae. Ang brush stroke ng mga kulay ay tila lumalampas palagi pero sa magandang paraan. Iyong alam mong intensiyonal talaga at hindi aksidente. Kaya may pagka-surreal ang bawat painting. Ang gaganda ng mga iyon. Umawang ang mga labi ni Jan
